Во врска со обвинувањата од лидерот на СДСМ, Филипче дека економската неизвесност во Македонија станува се поголема, а граѓаните ги чувствувале последиците од погрешните економски политики на Владата, како и дека според информациите од банките веќе не можеле да примаат апликации на компаниите за пари од кредитот од Унгарија, поради тоа што Владата нема да ги исплати кон нив парите, Мицкоски рече дека опозицијата може се што да каже, но дека мора да извадат докази за тоа за кое што обвинуваат. Според Мицкоски, парите обезбедени преку кредитните линии од Унгарија се трошат наменски.
„Владата има донесено уредба со која точно се дефинирани начините како можат да се користат тие средства, така што нема основа за шпекулации за нивно ненаменско трошење“, рече Мицкоски.
Тој додаде и дека интересот за средствата обезбедени преку кредитните линии од Унгарија е исклучително голем.
