Интересно е што иако нивните политики и скандалите поврзани со нивните функционери се тие што доведоа до пад на индексот, опозициската СДСМ удри по Владата дека таа не го исполнила ветувањето за борба против корупцијата и на тоа се должел падот.
„Со падот на два поени и рангирањето на 88. место, граѓаните јасно покажуваат дека немаат доверба во нивните политики и дека корупцијата е полоша од кога било. Резултатите од извештајот на „Транспаренси Интернешнл“ се уште еден доказ за неспособноста и неуспехот на Владата предводена од ВМРО-ДПМНЕ. Македонија бележи катастрофален пад од 12 места во индексот за корупцијата за 2024 година, што e прво назадување од 2019 г.“, велат од СДСМ.
Инаку, индексот на „Транспаренси“, ја мери перцепцијата на граѓаните за тоа колку корупција има, така што ако има повеќе скандали и афери, толку повеќе ќе се зборува за корупцијата. Индексот не е поврзан со тоа колку е успешна власта во борбата против корупцијата, туку колку се зборува за оваа појава. Главните афери кои се појавија минатата година се поврзани со минатата власт и со случувањата во сдуско-обвинителскиот систем, а не со новата Влада.
