Од попладнево по социјалните мрежи кружи фотографија од Васил Јованов од притворското одделение со мобилен телефон во рацете. Тој е осомничен за предизвикување сообраќајка со смртни последици каде животот го загуби 22-годишната Фросина Кулакова и користење на мобилен во затворот никако не му е дозволено.
Директорот на управата за извршување санкции Александар Пандов за телевизија Алфа, вели дека мобилниот телефон веднаш му е одземен, извршен е претрес во сите ќелии и осомничениот Јованов е преместен во посебна ќелија. Пандов најави дека следува истрага и санкции за корумпираните службеници кои што му го дале мобилниот телефон.
Од семејството бараат секторот за внатрешна контрола во МВР да го пронајде одговорниот што го снабдил со мобилен Јованов.
-Дали ќе се дозволи корупцијата што ја уби сестра ми и понатаму да владее, чие дете е следно?, праша Росица Кулакова сестра на трагично загинатата Фросина. Фотографијата од јованов ја објави порталот Буревесник, а го фотографирал некој друг во затворот исто така со мобилен телефон. За утре во 17 часот се најавени протести на булеварот „Партизански одреди“, на местото каде што беше прегазена Фросина Кулакова.
