Од следната недела македонските компании може да влезат во нов инвестициски циклус. Првите транши поволни финансии обезбедени од унгарскиот кредит ќе бидат ставени на располагање. Се финализираат договорите со комерицијалните банки кои ќе ги распределуваат парите. Министерката за финансии објаснува дека средставата ќе може да се користат за зголемување на производството и продуктивноста, за нови објекти и погони, но не и за рефинансирање на постоечките кредити. Банките ќе го имаат последниот збор кој колку ќе добие. Се ќе зависи од квалитетот на бизнис планот.
„Ризикот е кај банките. Државата не презема ризик. Кога ризикот е кај банките, банките одлучуваат кому ќе даваат кредити, дали компаниите имаат уредни бизнис планови, издржани проекти. Државата ниту може ниту смее да се меша во тој дел“ вели Гордана Димитриеска Кочоска, министерка за финансии
Надлежните очекуваат дополнителен поттик на економијата и преку капиталните инвестиции односно вложувањата во инфраструктурата. Гордана Димитриеска – Кочоска вели дека конечно успеале да ги деблокираат проектите кои ги затеканле. Дека за изградба на новите автопати иако биле испалтени огромни аванси, немало завршено експропријација а немало ни дефинирана траса и дека ова полека се надминува.
„Нема исцртана траса, најголемиот проблем на тој проект е што нема траса. Сега се дефинира. Министерот за транспорт ден и ноќ работи, навистина има големо раздвижување. Врз основа на тоа што тој го работи има и раздвижување кај нас. Кога ќе знаеме точно каде е трасата ќе знаеме и колку експропријација треба да се заврши“ вели Гордана Димитриеска Кочоска, министерка за финансии
Министерката за финансии заедно со првите луѓе на сите институции под нејзина надлежност даде отчет за сработеното шест месеци откако влезе во кабинетот. Вели дека минатата година завршила успешно и покрај сериозните наследени проблеми – буџетскиот дефицит бил намален, наплатата на даноци придонеси била зголемена, јавниот долг бил стабилизиран и целокупните финансии на државата полека се доведувале во ред.
Давид Крстевски
