Пристигна дел од биолошката терапија на клиниката за онкологија. Лековите кои ги немаше околу две недели етапно се дистрибуираат во болничката аптека. Анексите на договорите се потпишани и се очекува оваа и почеток на другата недела сите дефицитарни лекови да бидат достапни за онколошките пациенти вели директорот на клиниката. Медикаментите се доставуваат дел по дел затоа што добавувачот нема на залиха од потребните лекови. Стојковски уверува дека и сега пациентите не се оставени на цедило, голем дел од нив ја примаат биолошката терапија.
Годинава буџетот на Клиниката за онкологија ќе биде значително зголемен – од Фондот за здравство велат некои од лековите што недостасуваат во иднина ќе бидат зголемени за двапати. Недостасуваа шест биолошки лека. Надлежните велат – зголемениот број на болни од карцином довел до овој дефицит.
И додека болните се соочуваат со недостиг на терапија, нивните најблиски се жалат и за тоа што пациентите се осудени да патуваат по стотици километри дневно за да ја примат терапијата. Бараат надлежните да изнајде решение и кончено да се децентрализираат онколошките амбуланти.
Клиниката е во фокусот на јавноста веќе две години по избивање на скандалот со препордажба на биолошки лекови. Истрагата од Обвинителството се уште е во тек.
