Апелацискиот суд ја укина првостепената пресуда за случајот „Беса транс“, прифаќајќи ги жалбите на обвинетите.
Судскиот случај не е директно поврзан со причините за трагичната несреќа во Бугарија пред три години, кога животот го загубија 45 лица, туку се однесува на фалсификување документација за сообраќајна дозвола.
Според обвинителството, сопственикот на „Беса транс“, Беким Хаџиу користел лажна потврда за дозвола преку возачите на автобусот, која не била издадена од министерството за транспорт и врски. Тој беше осуден на 20 месеци затвор. Одбраната посочи дека општата дозвола е легален документ кој бил во употреба, па затоа тврдеа дека не може да се квалификува како фалсификат.
Одлуката на Апелациониот суд значи дека првостепената пресуда е поништена, што овозможува повторно разгледување на доказите и сведоштва во првостепениот суд.
