Владата и МАНУ ќе договараат проект преточен во стратегија за Македонија до 2050 година – најави премиерот Христијн Мицкоски.Со овој проект ќе се дефинираат приоритетите на развој на државата, демографските предизвици, економските цели, и како да се стигне до нив, земјоделски, технолошки развој, енергетски и транспортен развој. За таа цел, премиерот повика да се направи национална стратегија со стручни лица и ги повика македонските академици да соработуваат.
“Значи сеопфатна стратегија која ќе ја дефинира новата парадигма на современата држава на македонците и другите кои живеат тука. Ние мора да ги користиме знаењата на сите кои можат да помогнат, ние мора да се обединиме и да поставиме долгорочни цели за развој на државата, а потоа ќе побарам широк партиски консензус за прифаќање на таа стратегија” – изјави премиерот Христијан Мицкоски.
На граѓаните, оцени премиерот, им е преку глава од водење држава ден за ден, потребна им е долгорочна стратегија чии главни точки и цели нема да зависат од лакомоста на политичарите ниту од нивното незнаење.
„Научните умови беа маргинализирани и насочени само кон своите проекти и научни цели, но овојпат мора да се вклучат и да помогнат во развојот и поставувањето на целите и приоритетите. Потекнувам од универзитетскта заедница и знам што значи титулата која ја имаат сите оние кои ги повикувам да се вклучат во овој проект. Од нив може многу да научиме, тие се духот на нашата земја и дел од нашиот идентитет“, рече Мицкоски.
Секоја Академија на науки од соседството соработува со својата државата, и придонесува кон градење на стратегиите на државата, нашата мора да го добие заслуженото место на почит, но и на одговорност, рече Мицкоски.
Ања Лукарова
