Размена на искуства меѓу државното и специјалното обвинителство на Косово и Јавното обвинителство на Македонија направи македонската делегација од Министерството за правда која втор фен е во официјална посета на Косово.
Министерот Игор Филков вели дека системот на специјалното обвинителството е добар пример за имплементирање кај наc.
Продлабочување на соработката помеѓу правосудните институции беше една од темите на која разговараа министрите за правда на Косово и Македонија на билатералната средба. Министерката Албулена Хаџиу се интересирала до каде е постапката за нивното барање за екстрадиција на осудените во случајот Диво Населје, а Филков пак од средбата излезе задоволен бидејќи косовското Министерството за правда веќе го процесуирало барањето за екстрадиција на двајцата осудени за масакрот кај Смилковското езеро.
Косово повеќе од една деценија одбива да ги екстрадира Алил Демири и Африм Исмаиловиќ осудени на доживотен затвор за случајот Монструм.
