Пораката на премиерот Мицкоски дека Македонија нема повеќе да прифаќа ултиматуми за влез во ЕУ и острата реторика на Николоски кон Бугарија за нивното невицилизирано однесување, свртеа нова страница во македонската дипломатија. Нема повеќе виткање кичма и прифаќање на се што е против македонските национални интереси само за да се задоволат интересите на соседите како услов Макеоднија да стане дел од европското семејство, коментираат дел од аналитичарите. Според поранешниот вицепремиер за евроинтеграции и актуелен професор Васко Наумовски новата владина реторика испраќа силна порака и е спротивна од она што го гледавме и слушавме последниве години.
Конечно, владините претставници јасно и гласно укажаа дека Македонија треба што побрзо да стане дел од ЕУ, без разлика на билатералните прашања, за разлика од претходната влада, вели Васко Наумовски.
Премиерот Христијан Мицкоски по средбите со европските претставници во Брисел рече дека евроинтеграцискиот процес треба да се заснова на проценка на постигнатото, а не на билатерални прашања. Според него, две децении по потпишувањето на Спогодбата за стабилизација и асоцијација, земјата е жртва на билатерални проблеми.
Истовремено вицепремиерот Александар Николоски влезе во вербална војна по скандалот со непоставеното македонско знаме во Софија за кој ниту еден претставник од Владата на Бугарија не се извини.
Според Николоски доколку ЕУ сака да го реши проблемот со нас, тоа може да го стори за едно претпладне или попладне. Николоски вели дека ЕУ многу посилни држави од нас ги клекнале на колена. Тој прашува што се случува со 14-те пресуди од Стразбур што се однесуваат на македонското малцинство, а Бугарија не сака да ги имплементира.
Седми ден како зовреа страстите на официјална Софија кои најверојатно очекуваа новата македонска власт да ја продолжи старата политика на потчинетост на која навикнаа додека државата ја водеа СДСМ и ДУИ.
