Нова учебна година – стари проблеми. Метрополата сеуште во хаос по прашањето за јавниот сообраќаен превоз.
Утринава, за разлика од останатите денови, немаше многу метеж по постојките веројатно поради тоа што родителите одлучија децата да ги однесат на првиот час со автомобили или пак ЈСП успеа да ја „засили“ првата смена.
Дел од граѓаните пак се одлучија за велосипед, тротинет или да пропешачат. Велат не чекале премногу утринава, ама бараат итно решение на целиот проблем со ЈСП оти со враќањето на децата во школо сигурно ќе има гужви
Но, попладнево сликата беше поразлична, забележливо граѓаните чекаа подолго време по постојките, всушност слика која што се гледа со месеци во главниот град додека градоначалничката Арсовска само бара вина во Советот и никако да најде решение за хаосот. Денеска проблемот стана поголем оти дел од приватните превозници не возеа утрината поради натрупаниот долг и барањата за повисока цена по километар. Проблемот се провлекуваше со месеци, па дури денеска, откако најголемиот дел од приватниците одбија да возат, ЈСП волшебно најде пари и им исплати 80 отсто од долгот, по што тие од попладнето почнаа да возат.
Постигнат е договор и легнати се 80 отсто со долгот што ни го должеја. Пакет 1 и три , се активирани , цената по километар се преговара
Од град Скопје се задоволни и велат дека превозот денеска функционирал нормално. Тие ги обвинуваат медиумите дека наседнале на наметната паника, и посакаа среќен почеток на учениците, без да објаснат што ќе се прави со јавниот превоз.
Јавниот градски превоз утринава функционира нормално, наспорти напорите и политичките притисоци на ВМРО-ДПМНЕ да предизвикаат нови потешкотии за граѓаните на градот Скопје. За жал, дел од медиумите наседнаа на наративот на владејачката партија, предизвикувајќи чувство на несигурност кај скопјани. Во моментов јавниот градски превоз го опслужуваат сите автобуси на ЈСП како и автобусите на приватните превозници кон кои градот Скопје и ЈСП немаат никакви заостанати обврски, велат од Град Скопје.
Скопјани со месеци се мачат како да стигнат до посакуваната дестинација
оти автобусите доцнат, и речиси редовно се преполни и често се расипуваат. На ЈСП му недостигаат автобуси за да биде покриен зимскиот возен ред, кој почна во неделата, о засега нема никаква информација до каде е поправката на 40 автобуси за кои директорот на претпријатието се заложи дека ќе ги сервисира.
