Расте рејтингот на опозициската партија. Доколку утре се одржат парламентарните избори најмногу гласови и со тоа најмногу пратенички места би освоила партијата која ја води Христијан Мицкоски. Според анкетата на Институтот за политички истражувања спроведена за МРТВ, ВМРО-ДПМНЕ би освоила од 52 до 54 мандати, СДСМ 26 – 30, ДУИ од 14 до 17, ЕСП 9-12, ЗНАМ и Левица од 5-6 мандати и 3-4 Алијанса.
На прашањето за која партија ќе гласате на претстојните парламентарни избори? За ВМРО-ДПМНЕ се определиле 22, 7 проценти, за СДСМ 12,1, ДУИ 6,3, ЕСП 4,4, Левица 3,7, ЗНАМ 3,2%. На прашањето пак која партија сметате дека ќе победи на изборите 30,4 % одговориле ВМРО-ДПМНЕ, 9,8 % кажале СДСМ, ДУИ рекле 6,3% од испитаниците , ЕСП 4,2 % , Левица 3,3 % и ЗНАМ 2,9 %.
Телефонска анкета на ИПИС за потребите на МРТВ е спроведена кон крајот на февруари и почетокот на март на 6069 испитаници со маргина на грешка од +- 1%
