Околу 26милиони денари за потрошена електрична енергија треба да плати штипски „Исар„ . Од добавувачот барат долгот да го платат на рати, во спротивно на комуналното претпријатие му се заканува финансиски колапс. Освен високи сметки за струја направени во време на енергетската криза, месечно исплаќаат и 4,5 милиони денари, камати за веќе исплатениот кредит земен пред дваесетина години..
„Ова е таа обврска која ние ја чувствуваме како притисок, меѓутоа врз основа на ова побаравме и Советот донесе одлука за продажба на дуќаните во вредност од 12милиони денари со кои сакавме да ја сервисираме оваа обврска. Меѓутоа два пати објавивме за продажба, но никој не се јави кој би сакал да инвестира и да ги купи овие дуќани„изјави Кирил Зајков, директор на ЈП„Исар„.
Мерките кои беа воведени лани за Исар да излезе од кризата ги дадоа потребните резултати. Претпријатието е ликвидно, а платите како и заостанатите долгови кон вработените редовно се исплаќаат. Засега нови вработувања не се планираат.
„За оваа година не се планирани нови вработувања, односно за секој оној што ќе замине во пензија че се направи анализа дали има реална потреба од пополнување на неговото работно место. За административниот дел ќе се анализира, но испразните места во оперативниот дел ќе се поплнуват, бидејќи не треба да трпи услугата на граѓаните„ рече Зајков.
Енергетската криза им зададе сериозен удар на комуналните претопријатија во државата. Поради високите и неплатени сметки кочанското претпријатие извесен период немаше струја, а виничкото се уште редовно не може да ги исплаќа платите на вработените.
Александра Ристевска
