Две тетовски семејства Терзија и Мустаи поради судски спор се пресметувале синоќа пред тетовската болница. Конфликтот постоел со години, но вчера есклирала ситуацијата еден по час по пладне, кога се степале, а подоцна околу 18 часот случајната средба пред тетовската болница заврши со пукотница. Двајцата браќа од семејството Мустаи од тетовско Гајре се на скопските клиники, а едниот од нив е со посериозни повреди.
- „Во Тетово две групи имале меѓу нив некои проблеми нерешени и случајно биле во дворот на болницата. Колку што знам од информациите што ми ги даде директорот на тетовската болница, тие се префрлени на скопските клиники. Едниот е во полесна, другиот во потешка состојба. Тие се префрлени на КАРИЛ, а другото ќе го расчисти МВР“, рече Меџити.
Полицијата уапси четворица, а по еден уште се трага. Едното семјество имало ветер во грб од вработени во судот, па и службениците се приведени, под сомниние за инволвираност во случајот.
- „Полициски службеници на СВР Тетово вчеравечер (11 јануари) во 23 часот и 10 минути во Тетово ги лишиле од слобода Р.Т.(35) и М.Т.(44) од Тетово, а пред тоа и 55-годишната тетовка Ш.Е. и Н.М.(39) од Тетово поради сомнение за нивна инволвираност во вчерашното (11 јануари) пукање со огнено оружје пред Ургентен центар на тетовската Клиничка болница кое се случило околу 18 часот и 5 минути, а во кое со тешки телесни повреди (прострелни рани) се здобиле А.М.(41) и З.М.(36) од тетовското село Гајре“ соопштуваат од МВР.
Иако пресметката со пиштоли се случи пред болницата во Тетово, за среќа нема повредени пациенти и медициски персонал.
