Малку руска, по некоја кифличка, една – две сарми, и домашна ракија или вино – Граѓаните не можат баш да ја почуствуваат магијата на Новата година и Божиќ. Повеќето, празниците ќе ги минат во домашна атмосфера со скромна трпеза. Причината на сите им е јасна – како и цела година и сега мора да се штеди оти пари нема. За да го соберат семејството на маса и да си овозможат празнична атмосфера крателе од други потреби во изминатиот период.
Граѓаните имаат многу желби, си посакаа здравје пред се, а за пари , велат колку има толку .
И за дедо Дедо Мраз и за дечињата здравјето е најважно во Новата година.
Што се однесува до еуфоријата, плоштадот Македонија е украсен, но без некоја посебна празнична магија. Ведрина на лицата на луѓето како да нема, но сепак сите се со надеж дека наредната година ќе биде подобра.
Деновиве сите патишта водат кон плоштадот „Македонија” во Скопје. Детски џагор, родители со деца е главната слика на само еден ден пред Новата Година во центарот на градот.
Иако испраќаме година која беше економски тешка, изгледа граѓаните колку – толку се обидуваат да заборават на секојдневните проблеми. Стравот од празни џебови по се изгледа дека останува и за новата 2024, но за момент секој сака да се опушти и со насмевка да ја дочека годината пред нас.
Ања Лукарова
