Како што најавија, родителите на учениците од основното училиште „Његош“ во Јурумлери денеска не ги пуштија своите деца на настава. Родителите бараат министерот Шаќири да не им прави притисоци за отворање на нови паралекси бидејќи нема услови за тоа. Посочуваат дека учениците посетуваат настава до 17 часот, а со воведување на нови паралелки наставате ќе трае до 21 часот. Порача дека нема да дозволат нивните деца да се вратат во 19ти век и да посетуваат настава во вечерни училишта.
Ако тргнат на сила да носат решенија, настава нема да има до крај на годината – порачаа родителите.
- „Не ги издвојуваме нашите сограѓани албанци од ова општество, ние живееме со тие луѓе со години, комуницираме, ние бараме само дополнителен простор во нашето училиште, затоа што просторот сега е мал. Во моментов има дневен центар со 60 дечиња, што е неприфатливо. Има една наставничка, што е неприфатливо. Нема услови во училиштето. Затоа бараме проширување на капацитетот, бараме нови вработувања, нов наставен кадар.“
Министерот пак најави дека утре ќе се сретне и ќе разговара со нив.
- „Просветен инспкторат има реалзиирано целосна контрола во училиштето за да го анализираат тоа што го потврдуваат и од општинита и од родителите. Никогаш нема да се донесе одлука која што ќе е на штета на ниту една страна. Јас и на градоначалникот му кажав дека ако се потребни простории во истото училиште, барам најхитно да се достави проект за да можеме да го реализираме тука во истото училиште“ – Порача Шаќири.
Иницијативата на родителите кои протестираат три дена, рече, е затоа што сметаат дека нема простор во училиштето. Додаде дека и Просветниот инспекторат ја анализирал состојбата.
Според родителите решението е отворање на ново училиште, а не отворање на нови паралеки.
Родителите на учениците кои следат настава на албански јазик пак, протестираат веќе цел месец и бараат да се отворат нови паралелки од 5то до 9то одделение.
Никола Цветкоски
