Министерот за јавна администрација, Горан Минчев, присуствуваше на свечената седница во Владата по повод одбележувањето на Денот на албанската азбука. Денот на албанската азбука е значаен ден за албанската заедница, што ја одбележува важноста на албанскиот јазик, како важен дел од културното наследство и идентитет, пишува во денешното соопштение на Министерството за јавна администрација.
Во соопштението се нагласува дека Министерството за јавна администрација останува посветено на градењето професионална, инклузивна и отчетна јавна администрација, заснована на принципите на еднаквост, недискриминација и почитување на различностите.
– Нашата заложба е јавна администрација што обезбедува еднакви можности за сите, ги почитува различностите и им служи на граѓаните без разлика на нивната етничка или културна припадност – се додава во соопштението.

