Во организација на Институтот за национална историја денеска ќе се одржи XVI студиски ден, во чии рамки проф. д-р Армен Жарноски ќе одржи предавање на тема „Урбаната структура на Скопје, Охрид и Штип (XV-XVII век): анализа на неколку вакафнами“.
Настанот ќе се одржи во просториите на Институтот за национална историја, а ќе биде посветен на истражувањето на урбаниот развој на три македонски градови во периодот од XV до XVII век, преку анализа на вакафнамите.
Студиските денови на Институтот за национална историја се воведени кон крајот на 2022 година, со цел да се овозможи размена на научни знаења и искуства, како и презентација на најновите истражувачки резултати и активности на научниот кадар.
Координатор на Студиските денови е проф. Билјана Ристовска-Јосифовска, а соработници се професорите Наташа Диденко и Владимир Јанев.

