Бесплатни тестирања за рак на простата ќе се спроведуваат во текот на утрешниот ден во Здравствен дом „Железничар“ во Скопје.
Од јавната здравствена установа информираат дека бесплатното ПСА-тестирање на машката популација ќе се одвива како поддршка на светското движење „Movember“.
Утрешната акција е во организација на јавната здравствена установа заедно со „Проџект хоуп“ (Project Hope), „Ротари ист“ (Rotary east) – Скопје, „Џентлменс кру“ (Gentlemans crew) и „Веспа клаб“ (Vespa club) – Скопје.
– Бидејќи утре е петок 13-ти, кој многумина го сметаат за „баксуз ден“ и датум на кој се случуваат лоши работи, пораката е „да се разбие малерот“, наведуваат од Здравствен дом „Железничар“.
