Државната изборна комисија (ДИК) денеска на затворена седница одлучува за изгледот на гласачкото ливче за изборите за градоначалник на Брвеница што ќе се одржат на 18 октомври.
На изборите за градоначалник на Брвеница ќе се гласа за шестмина кандидати. Стојанчо Радически е кандидат на коалицијата „Твоја Македонија“ предводена од ВМРО-ДПМНЕ, Јовица Радески од Коалицијата предводена од СДСМ за предвремените избори за градоначалник на општина Брвеница 2026 година, независниот кандидат Душан Богдановски, Јакуп Усеини од Коалиција ВРЕДИ, независната кандидатка Арифе Идризи и Аркин Јахији од Национална алијанса за интеграција (НАИ).
Во тек е изборната кампања која завршува на 16 октомври на полноќ.
Изборите за градоначалник на Брвеница, собранискиот претседател Африм Гаши ги распиша за 18 октомври, а ќе се одржат откако на 23 јуни 2026 година на 58-годишна возраст почина градоначалникот на оваа општина, Јовица Илиевски.
