Амбасадорот на Република Турција, Алпер Акташ, денеска ќе оствари посета на македонското Собрание, во рамки на која се предвидени средби со претставници на законодавниот дом и пратеници од турската заедница.
Како што соопшти собраниската прес-служба, Акташ попладнево ќе се сретне со претседателот на Собранието, Африм Гаши, по која ќе одржи средба и со пратениците од турската заедница – Исмаил Јахоски, Бејџан Илјас, Реџеп Исмаил и Мевмет Џафери, предводени од Сали Мурати, претседател на Пратеничката група на Собранието на Македонија за соработка со Парламентот на Република Турција.
