Националната установа Центар за култура Битола од денеска до 8 октомври е домаќин и организатор на првиот Фестивал на кинески филм во Македонија.
Свеченото отворање е закажано за вечер во 20 часот кога во големата сала на НУ центар за култура Битола ќе биде емитуван филмот „Сонцето изгрева над сите нас“ (The Sun Rises on Us All), кинеска драма од 2025 година во режија на Каи Шанџун.
-Ние сме горд домаќин на првиот фестивал на кинески филм во Македонија, настан низ кој публиката ќе има можност да запознае дел од современата кинеска кинематографија, преку осум филмови со различни жанрови и приказни, истакна Сашо Илковски, директор на НУ Центар за култура Битола.
Филмските проекции ќе се реализираат претпладне во 11 и навечер од 20 часот, а влезот е бесплатен, нагласија од НУ Центар за култура Битола.
