Венко Филипче на вчерашната прес-конференција откри и потврди скандал каде што има основен сомнеж за криминал, се посочува во соопштението на ВМРО-ДПМНЕ од денешната прес-конференција партискиот портпарол Валентин Манасиевски.
Тој изјави, цитирам: „Славјанка Петровска потпишала за 37 милиони евра поскап договор за набавка на хеликоптери, откако комисијата донела друга одлука“.
Пратеникот и лидер на СДСМ, Венко Филипче, јавно излезе со обвинување против пратеничката од редовите на СДСМ и екс-министерка Славјанка Петровска.
Не може да се игнорира овој скандал кој го обелоденува токму Венко Филипче. Тука сме да му помогнеме нему и да побараме токму од Јавното обвинителство, по допрен глас, да реагира и да го сослуша Венко Филипче за, како што самиот обвини, криминалот на Славјанка тежок 37 милиони евра.
Го поддржуваме и поттикнуваме Венко Филипче да не молчи и да каже сè што има за Славјанка Петровска. Очекуваме итно и неодложно Јавното обвинителство да отвори предмет и да реагира.
Почитувани,
Правда мора да има и добро е што Венко Филипче почна да зборува. Веруваме дека има уште многу повеќе да соопшти за криминалот во таборот на СДСМ.
