Општина Илинден изврши реконструкција на локалниот пат Илинден – Јурумлери, кој претставува значаен инфраструктурен зафат со кој се подобрува сообраќајната поврзаност со соседните општини Петровец и Гази Баба.
Реконструкцијата опфати целосна обнова и поставување нов асфалтен слој на дел од постоечкиот пат во вкупна должина од околу 500 метри, како и уредување на системот за прифаќање и одведување на атмосферските води.
Проектот е реализиран од Општина Илинден во соработка со Центарот за развој на Скопскиот плански регион и Бирото за регионален развој, како инвестиција од значење не само за општината, туку и за поширокиот регион.
Со реализацијата на ваквите инфраструктурни проекти, Општина Илинден продолжува со унапредување и модернизација на патната мрежа, создавајќи поквалитетни, побезбедни и подобри услови за сите учесници во сообраќајот.
