ВРЕДИ ќе застане во поддршка на реализацијата на секој проект и инвестиција што носи развој за Општина Арачиново и за нејзините граѓани. Она што се случи на градилиштето на стадионот на Шкендија не е само оштетување на неколку машини. Тоа е обид да се нападне проект кој го симболизира развојот, инвестициите и подобрата иднина за Арачиново – се вели во соопштението на ВРЕДИ.
Со децении, граѓаните на Арачиново чекаа ветувањата да се претворат во конкретни дела. Денес, кога тоа се случува, кога машините се на терен и стадионот почнува да ја добива својата форма, некој се обидува развојот да го претвори во страв и пречка.
ВРЕДИ заедно со Даут Беќири е јасен во своите определби: развојот не се запира со оган, вандализам или закани. Истовремено, им порачуваме на граѓаните на Арачиново: не дозволувајте стравот да ве врати назад.
Затоа што овој стадион не е само градежен проект. Тој е доказ дека и Арачиново заслужува инвестиции, современа инфраструктура и можности за своите млади. Со години, од граѓаните се бараше да чекаат. Денес веќе не им се бара да чекаат – денес се гради.
И токму затоа, нема враќање назад. Со ВРЕДИ Арачиново нема да остане заробено во минатото. Арачиново избра да оди напред, а стадионот на Шкендија ќе биде изграден.
