Регионален форум за превенција на корупцијата и проценка на ризиците од корупција во Западен Балкан, ќе се одржи денеска и утре во Скопје, во организација Државниот завод за ревизија.
На отворањето, како што е најавено, ќе се обратат Главниот државен ревизор Максим Ацевски, министерката за финансии Гордана Димитриеска-Кочоска и заменикот претседател на Собранието Антонијо Милошески.
Во рамки на првиот ден од конференцијата ќе се дискутира за зајакнување на интегритетот и отчетноста, превенцијата на корупцијата, улогата на врховните ревизорски институции, проценката на корупциските ризици, како и јавните набавки како значајна област за превенција на корупцијата.
На форумот, како што е најавено, ќе учествуваат високи претставници на Врховните ревизорски институции од регионот, антикорупциските тела и институциите за јавни набавки од земјите од Западен Балкан, како и претставници на Европската Унија, дипломатскиот кор во државата, меѓународни организации и партнери за развојна соработка.
