Претставници на здружението „Кавадаречки срца“ денеска донираа училишен прибор и ранци за ученици во социјален ризик.
– Неодамна упативме повик до сите хумани луѓе да подарат школски прибор и ранци за ученици во социјален ризик. На наше огромно задоволство, во просториите на Центарот за невладини организации во градот, дојдоа многу хумани луѓе кои решија да помогнат за среќа кај децата, на кои им е неопходна поддршка. Собраните ранци и училишен прибор ги дониравме за ученици во социјален ризик во училиштето „Страшо Пинџур“ што е најблиску до нашите простории – појасни координаторот Орданче Бошковски.
Тој подвлече дека континуирано работат на почитување на правата за еднакви можности за сите, како и на промовирање на спортот како начин за инклузија и прифаќање на различностите.
