Венецуела склучи договори со „Шеврон“, „Ени“ и „Џи И Вернова“ за инвестиции во нафтениот и енергетскиот сектор

Венецуела потпиша нови договори со нафтените компании „Шеврон“ и „Ени“ за проширување на нивните активности во земјата, како и со „Џи И Вернова“ за обновување на електроенергетската инфраструктура. Договорите беа потпишани во присуство на американскиот секретар за енергетика – Крис Рајт, и со нив, САД добива контрола врз околу една петтина од нафтените резерви на земјата. Американската „Шеврон“, која долго време има заеднички вложувања во Венецуела, ќе добие пристап до нови наоѓалишта. Покрај договорите со компаниите, Каракас и Вашингтон склучија и билатерален договор, по што американскиот претседател – Доналд Трамп, изјави дека САД ќе добијат мнозинска контрола врз средства поврзани со повеќе од 65 милијарди барели од нафтените резерви на Венецуела. Вршителката на должноста претседател на Венецуела – Делси Родригез, која е на власт по апсењето на Николас Мадуро, му се заблагодари на Трамп и изјави дека договорот ќе донесе „благосостојба“ за земјата.