Македонскиот јазик, литература и култура на клупите во светските универзитети. На 53тата меѓународна научна конференција на македонистиката годинава учествуваат 75 проучувачи на македонскиот јазик од ширум светот. Тоа се луѓе кои одбрале да го запознаат нашиот јазик пред другите
„Македонистиката е докажана, студиозна, компетентна, аргументирана наука и тоа е највисоката наша претставителност и потврда за националниот идентитет“, изјави Кристина Николовска, директор на Меѓународниот семинар за македонски јазик, литература и култура
На конференцијата се промовираат изданија од ланската конференција, а ќе се работи и на зборник од сегашната. Основната дејност на семинарите е афирмација на македонистиката, презентирање, координирање на високообразовните и научните достигнувања од областа на македонистиката во земјата и во странство.
„Очекуваме уште поголема афирмација на македонистиката, очекуваме и зголемување на бројот на лекторатите како што во изминатите три години отворивме три лекторати по македонски јазик во светот“
Конференцијата има две секции, за македонски јазик и за македонска книжевност и култура а се одржува еднаш годишно во Охрид. Меѓународниот семинар работи 57 години и организира летни школи, зимски школи и тркалезни маси за македонскиот јазик, но исто така ја организира и работата на лекторатите по македонски јазик, литература и култура на универзитетите во странство.
