Хаос во Лекарската комора. Повеќе од два месеца не се издаваат лекарски лиценци ниту пак се продолжуваат. Редица лекари се соочени со проблеми поради тоа што не можат да добијат, ниту пак да ја продолжат лиценцата, која е законска обврска за да можат да ја обавуваат својата дејност. Проблемот е многу сериозен, но решение нема, оти Комората периодов функционира со претседател кој не е легитимен, односно со истечен мандат.
Лекарите реагираат дека вториот четири годишен мандат на д-р Калина Гривчева Старделова е истечен од 1 јули. Досега имало бројни обиди за да се свика седница за да се избере нов претседател но безуспешно. По бројните одложувања, лекарите денеска се собраа. Во тензична атмосфера и многу кавги кои се слушаа зад затворените врати успеаа да договорат датум за да изберат само нови делегати кои допрва ќе треба да бираат нов претседател. Дел од лекарите се сомневаат дека целиот процес намерно се опструира:
По ваквиот епилог, лекарската комора може да добие нов претседател најрано на крајот на октомври. Дотогаш Комората ќе функционира, но само за оние што се таму варботени. Д-р Гривчева Старделова чиј мандат е истечен и нема право на нов се правда дека процесот не се одолговлекувал туку само бил одложен поради летните одмори
Дел од делегатите инсистираат Комората да добие легитимно раководство, да се почитува законот и конечно да престане институционалниот застој. Инаку, во стаутот на Лекарската Комора се вели дека – претседатлот има право на најмногу два мандата од по четири години.