43 заразени и четири смртни случаи на западно-нилска треска се ресгистрирани до сега во земваја. Од нив 40 се потврдени а за тројца се чека потврда од втор тест. За прв пат има случаи во општините Центар и Чаир, а лоцирана е и прва мртва птица заболена со овој вирус. Станува збор за гавран на територијата на Скопје.Исто така ќе се проширува и информирањето на граѓаните над 60 години и во другите општини како да се заштитат од комарците и кога да се јават на лекар.Направена е координација со сите градоначалници за лоцирање на високо ризичните и ризичните зони на вирусот.
-Во некои општини, на пример во Сопиште нема високо ризични подрачја а има случаи, Чучер сандево исто така во сопствената општина нема високо ризични подрачја ама има во границата со Бутел, и се обидовме да го лоцираме. Во моментов работиме со 34 ризични подрачја од кои 13 се високо ризичн– -истакна Министерот за здравство Сашо Клековски
Клековски додава дека комарците може да се размножуваат само таму каде има засотоена вода и отпад. Проточните води каде што има жив свет не може да бидат легло за комарците.
– Серава е дел од проблемот во Арачиново и Бутел, каналите Јурумлери и Стајковсци, Синѓелиќ во Газа Баба. Главниот канал во Илинден на Скопско поле. Каналите во Драчево, каналите во Батинци и Студеничани-истакна Министерот за здравство Сашо Клековски
Од Центарот за јавно здравје велат дека навремено е започната дезинсекцијата и средставата се квалитетни и безбедни за луѓето.
-Нема никакви сомнежи. Во однос на отпочнувањето на терестичката дезинсекција, вечерните часови ние ги раствараме и полниме возила во надзор на Градот Скопје, значи никако сами тоа не го работиме, тука сум и јас како надзор-истакна Николина Соколовска- Ентомолог од ЦЈЗ
Меѓу ризичните места за овој вирус се посочуваат места со застоена вода, улици со многу септички јами, отпади со гуми, гробишта. Надлежните велат дека е добро што граѓаните пријавуваат до АХВ за угинати птици за да брзо се реагира. Велат дека во иднина ќе се направи регионализација на пристапот кон превенција на комарците и набавките ќе се прават не за една туку за три години. Центарот за јавно здравје ќе ја следи состојбата со епидемијата и така ќе делува во однос на дезинсекцијата. До граѓаните останува апелот да се заштитат од комарците и штом почуватвуваат симптоми на Западен нил веднаш да се јават кај својот матичен лекар.
