Министерот за надворешни работи и надворешна трговија Тимчо Муцунски денеска остварил средба со вршителката на должноста амбасадор на Соединетите Американски Држави, Никол Варнс.
-На средбата уште еднаш ги потврдивме одличните билатерални односи, за што сведочат политичкиот дијалог и редовните средби на високо ниво. Разговаравме за реформските процеси, како и за идните активности насочени кон натамошно унапредување на односите, со посебен фокус на политичката и економската соработка, информира Муцунски во објава на Фејсбук.
Тој истакна дека на средбата нагласиле дека во време на зголемени безбедносни предизвици и ризици, американско-македонското стратешко партнерство, безбедносната соработка и сојузништвото во НАТО се од особено значење за стабилноста и безбедноста.
-Ја потврдивме заемната посветеност на натамошно продлабочување на билатералната соработка и унапредување на пријателските односи, поздравувајќи ја неодамна одржаната втора сесија на Стратешкиот дијалог во Вашингтон, додава Муцунски во објавата.
