ПЕТ-скенерот на Клиниката за нуклеарна медицина моментално не работи.
Од Министерството за здравство велат дека причината е технички дефект на циклотронот, кој произведува радиоизотопи неопходни за снимањата.
Овластениот сервисер работи на отстранување на дефектот. Се очекува апаратот да биде ставен во функција што е можно побрзо.
Во меѓувреме, пациентите нема да бидат оставени без дијагностика.
Клиниките за онкологија и хематологија се информирани да користат други достапни методи, за лекувањето да продолжи без прекин.
Од Министерството велат дека проблемот е последица на долгогодишно занемарување на опремата и недоволно одржување.
Најавуваат и набавка на нова опрема, со која, како што велат, здравствениот систем нема да зависи од еден единствен апарат.
