Секторот за сообраќајни работи при Министерството за внатрешни работи синоќа изрекла 60 казни за возачи кои управуваат возило под дејство на алкохол во акциска контрола низ земјава, спроведена синоќа во периодот од 22:00 часот до 04:00 часот утринава.
-При акциската контрола кај 60 возачи било утврдено присуство на алкохол. 55 возачи биле санкционирани согласно Законот за безбедност на сообраќајот на патиштата, додека за пет возачи се поднесени соодветни пријави од Кривичниот законик – соопшти Министерството за внатрешни работи.
Дополнително, како што информираат од МВР, биле откриени и санкционирани и 124 други видови сообраќајни прекршоци.
Министерството за внатрешни работи најавува дека и понатаму ќе продолжи со засилени сообраќајни контроли со цел зголемување на безбедноста во сообраќајот и намалување на ризиците од сообраќајни незгоди.
