Досега има дваесетина лабораториски потврдени случаи со западнонилска треска во земјава. Едно од најпогодените места е Драчево во општина Кисела Вода, од каде доаѓаат повеќето од пациентите.
Поголем дел од нив не развиле никакви симптоми, додека мал дел имале лесна клиничка слика проследена со нејасна температура. Досега кај тројца пациенти се јавила тешка форма на болеста и тие и натаму се во критична состојба, приклучени на респиратор.
Седумнаесет пациенти се хоспитализирани.
Покрај личната заштита од комарци, доколку и локалните мерки со вонредни прскања не дадат ефект и бројот на заболени продолжи да расте, експертите епидемиолози посочуваат дека е потребно да се прогласи епидемија во скопските општини каде што има повеќе заразени.
