Талогот на општеството Филипче, поради кој со години сме пиеле небезбедна вода, а тоа не ни било кажано нам, граѓаните на Гостивар, нема право да морализира за случајот, изјави на прес-конференција Мартин Андоновски, претседател на ОК на ВМРО-ДПМНЕ Гостивар, стои во партиското соопштение.
Со години Филипче и власта предводена од СДСМ добивала извештаи од државните институции за тоа дека водата во Гостивар не е за пиење, а тие тоа го криеле и не преземале ниту една мерка за справување со проблемот.
Овој проблем во Гостивар не е од денес, туку е од децениската негрижа на локалните власти. Филипче и СДСМ требаше сега кога имаат градоначалник кој отворено го поддржаа во Гостивар, како и кадри кои предводат локални институции, да го решат проблемот со водата, а не да политизираат.
Филипче, ДУИ и партијата на Таравари требаше веднаш да ја земат работата во свои раце, но затоа што се неспособни, Владата предводена од ВМРО-ДПМНЕ во рекорден рок обезбеди техничка вода за користење, а секојдневно добиваме и флаширана вода за пиење.
ЈО треба да го истражи молкот на Филипче и власта на СДСМ која дозволувала Гостиварци да се трујат со години, а да не знаат од што им се потоа болестите.
Талогот од СДСМ најмалку што можеа да направат е да се извинат и да донираат некој пакет вода за жителите, но тоа не го очекуваме затоа што тие немаат чест и углед.
