Културниот и едукативен центар „Лабораторум“ почнува нов проект наречен „ЛИФТ“, иницијатива насочена кон развој и поддршка на младата публика и независната музичка сцена преку едукативни и креативни програми. Првата активност во рамки на проектот се бесплатни музички работилници посветени на тереминот, првиот електронски музички инструмент во историјата и еден од најнеобичните инструменти во светот.
Создаден пред повеќе од еден век, тереминот е единствен по тоа што се свири без физички допир. Музиката се создава преку движењето на рацете во неговото електромагнетно поле, што го прави овој инструмент подеднакво привлечен за музичари, уметници и сите љубопитни истражувачи на звукот.
Во периодот од 19 август до 2 септември, во Лабораториум ќе се реализираат четири музички работилници, на кои учесниците ќе се запознаат со основите на свирење на теремин, неговите звучни можности и креативниот потенцијал. Работилниците ќе ги води Ива Дамјановски, која преку практична и интерактивна работа ќе ги воведе учесниците во светот на овој уникатен инструмент.
Дамјановски е пијанистка, композиторка и музиколог, магистер по музикологија на Универзитетот во Тренто, Италија и по музичка интерпретација и композиција на Факултетот за музичка уметност при УКИМ во Скопје. Таа е член на музичкиот состав Алембик и авторка на музика за филм, театар и мултимедијални проекти, како и на повеќе научни трудови и поетски книги.
Организаторите ги повикуваат сите млади креативцида се пријават. Учеството на работилниците е бесплатно, а бројот на места е ограничен.
Учесниците ќе бидат избрани по принципот „прв пријавен – прв услужен“. Пријавувањето е отворено до 15 август 2026 година преку следниот линк: https://docs.google.com/forms/d/e/1FAIpQLSfxjUcj4HW10v87gdMowGS63HoFOX4U3qKRz_5PjPaNJvTrWA/viewform
Проектот „ЛИФТ“ е поддржан од Општина Центар.
