Притвор заработи 41-годишна жителка на Кратово, осомничена за узурпација на локалитетот „Куклица“ и спречување службени лица во вршење службени дејствија. Основниот суд Куманово ја прифати мерката по предлог на Основното јавно обвинителство Куманово.
Според Обвинителството, осомничената подолг период, и покрај досега преземените мерки, продолжила незаконски да го узурпира локалитетот „Куклица“, кој е прогласен за споменик на природата, и без правен основ им наплаќала влезници на посетителите. Воедно, како што наведуваат, се расправала и им се заканувала на посетителите, со што постојано го нарушувала јавниот ред и мир.
При последниот инцидент, според Обвинителството, таа физички нападнала и ги спречила полициските службеници кои се обиделе да ја легитимираат и приведат, по што против неа е поведена постапка и ѝ е одреден притвор.
