Јужниот дел на Европа во пламен – пожарите не стивнуваат. Грција, Франција и Шпанија и понатаму се борат со незапирливата огнена стихија која ги зафати деновиве. Жештината, сушата и силните ветрови ги разгоруваат пламените фронтови и ги им ја отежнуваат работата на пожарникарите .Во јужниот дел на Ретимно на Крит, пожарникарите веќе трет ден не можат да се справатсо огнената криза која пеплосува домови, маслинови насади, сточарски фарми и туристички места, од каде се евакуирани околу 2000 туристи. Она што требало да биде летен одмор, за многумина се претворило во кошмар.
,,Oколу 6 часот бевме спасени, требаше да одиме на море само за да бидеме спасени од чамецот. Тоа е толку трауматично, ова му се случува првпат во животот, но сме благодарни што сега сме безбедни.” -вели една од спасените туристки.
,,За нас беше целосно изненадување, но сега сме тука и не знам што треба да правиме, па ќе видеиме.” – вели друга туристка.
Екипите на терен се обидуваат да го локализираат главниот пожарен фронт во Агиа Параскеви, нов пожар е регистриран во Аркадија, а пожарот на Парос повторно се активирал. Најголемата загуба од пожарите не е во хектари туку во животи – тројца пожарникари вечера ги загубија своите животи.
Со разбеснетите пожари понатаму се борaт Шпанија и Франција-
огнот со денови пустоши делови од двете земји, уништувајќи шуми и земјоделски површини. Температурите над 38 Целзиусови степени значително ги отежнуваат напорите за негово локализирање. Иако дождот што наврна во изминатите 24 часа донесе мало олеснување, властите предупредуваат дека опасноста се уште не е помината. На дел од повеќе од 220 илјади евакуирани жители веќе им е дозволено да се вратат во своите домови.Како последица на шумските пожари, милиони луѓе се изложени на опасен загаден воздух поради штетните честички кои се содржат во чадот.