За да не биде фатен од полицијата, 44-годишен охриѓанец синоќа проголтал ќесичка со дрога, по што починал.
Вака завршила брканицата на полициските службеници на улицата Туристичка, откако се обиделе да го запрат автомобилот „Ренџ ровер“. Возачот избегал со возилото, по што на најголемата охридска улица конечно бил запрен. 39-годишниот возач е веднаш приведен, а неговиот 44-годишен сопатник тогаш ја проголтал ќесата со дрога. Здравствената состојба брзо му се влошила, и веднаш бил пренесен во охридската болница, каде починал. – По наредба на јавен обвинител, ќе биде извршена обдукција во општата болница во Битола. Се преземаат мерки за целосно расчистување на настанот, информираат надлежните.
