За комплетно завршување на спортската сала во Куманово потребни се уште околу 700.000 евра, изјави градоначалникот Максим Димитриевски. Тој очекува средствата да бидат обезбедени преку владин повик. Во првите три фази од реконструкцијата на спортскиот објект се реализирани градежни зафати финансирани од Општина Куманово.
-За преостанатите две фази се потребни дополнителни средства во износ од околу 700.000 евра – информираше градоначалникот Максим Димитриевски.
Тој појасни дека првата фаза, која опфатила статичко зајакнување и обезбедување на објектот од рушење, е целосно завршена и финансирана од Општина Куманово. Завршена е и втората фаза, која се однесувала на замена на кровниот покривач, исто така со општински средства. Според Димитриевски, реализирана е и третата фаза, која опфатила партерно уредување и уредување на спортските терени. Надворешното игралиште, пак, претходно било реконструирано со средства од Агенција за млади и спорт.
– Четвртата фаза предвидува поставување столарија и изработка на фасада, а петтата целосно внатрешно уредување на објектот. Чекаме повик од Владата. Очекувам тоа да се случи во текот на 2027 година-изјави Димитриевски.
