Повисоки плати и подобар станард, испорачуваме реални резултати, вели премиерот. Христијан Мицкоски со бројки и статистика одговори на опозициските критики дека оваа Влада наводно не се грижела за граѓаните. Вели дека во времето на СДСМ и ДУИ огромната инфлација го јадела растот на платите кои одредени години дури бил и во реален минус, а сега, во изминативе две години тие пораснале за 12.6 односно за 9.6 проценти.
„Ако се спореди тоа што го испорачуваа претходната влада на СДСМ и Демократската унија за интеграција, каде што реалната нето-плата беше негативна, односно минус 2, и во 2024 и во 2025, а и во 2026 година, јас очекувам дека реалната нето-плата ќе биде во позитива. Во 2024 беше преку 12 проценти, во 2025 беше околу 6%. Тоа се три четири пати подобри резултати споредени со минатото“, изјави Христијан Мицкоски – претседател на Владата на Македонија.
Според последните податоци на Државната статистика просечната плата во април била речиси 49 илјади денари и за една година проаснача за 7.3%. Најголем раст имале финансискиот сектор, комуналните услуги и трговијата.
Резултатите ќе беа и подобри да не беше огромната буџетска дупла наследена од претходната власт, вели премиерот. Тој објаснува дека досега биле сервисирани околу 4 и пол милијарди евра наследени долгови, а до крајот на годинава ќе треба да се врати уште речиси милијарда.
„Во овие две години Влада, успеавме да сервисираме и да обезбедиме ликвидност за обврските што ги остави претходната влада од 4,6 милијарди евра. Тоа се навистина предизвикувачки бројки. Но, со домаќинска работа успеавме сето тоа да го сервисираме и така очекувам да продолжиме и во периодот што следува. Такви ќе бидат и 2027 и 2028 година. Секоја година имаме по една еврообврзница за враќање, камати што се трипати поголеми од оние пред 10 години. Можеби малку ќе имаме простор 2029 гподина, но во суштина правиме план кој ќе ја заокружи ликвидноста до 2030 година“, изјави Христијан Мицкоски – претседател на Владата на Македонија.
Според Мицкоски навременото подмирање на долговите ќе испрати позитивен сигнал до финансиските пазари, инвеститорите и меѓународните финансиски институции дека можат да ја гледаат Македонија како сигурен и кредибилен партнер.