Специјалниот бугарски пратеник Филипче спремен да истурка уставни измени сметајќи дека така ќе дојде на власт, истакна на прес-конференција пратеникот на ВМРО-ДПМНЕ, Миле Лефков.
Демагошката програма полна со флоскули на Филипче не му го носи посакуваниот ефект, што може да се види и по последните анкети, па затоа се впушта во романса со Бугарија сметајќи дека така ќе успее да им се допадне на граѓаните.
Иако над 80тина проценти од граѓаните сметаат дека уставни измени под диктат на Бугарија не е чекорот кон ЕУ и оваа отстапка не треба да се прави без гаранции, сепак Филипче и лојалистите на Заев во врхушката на СДСМ уште утре ќе ги потпишат бугарските барања.
Поданичката политика на Филипче и СДСМ кон Бугарија и Радев не оди на добро на државата, а уште помалку на Филипче. Ако продолжи Филипче со понижувачкиот однос кон Бугарија и Радев, уште повеќе ќе се маргинализира.
ВМРО-ДПМНЕ ќе продолжи да ги штити националните интереси, а со тоа и желбата на граѓаните кои даваат огромна поддршка на владејачката коалиција.
