Вкупно 352 лица успешно ја завршија дводневната теоретска и практична обука за заштита и превенција од пожари и ќе бидат ангажирани во рамки на владината пилот-мерка за јавни работи, потврди директорот на Дирекцијата за заштита и спасување, Стојанче Ангелов.
Овие 352 лица денеска потпишуваат договори за вклучување во служба на државата и општините, при што покрај Агенцијата, партнери се и Дирекцијата и соодветните општини што се дел од оваа мерка.
Ангелов се заблагодари на Црвениот крст кој активно се вклучи во обуката на кандидатите во сите градови.
