Членство во ЕУ без полноправно членство. Идејата на Франција и Германија, со која земјите кандидатки повеќе нема да мора да чекаат полноправно членство за да почувствуваат дел од европските придобивки, ќе се разгледува до крајот на годината. Пари, инвестиции и пристапот до единствениот пазар ќе се отвораат постепено, зависно од реформите. Македонските компании сметаат дека ова отвара поголеми можности, а нашата држава поради напредокот во реформската агенда ќе има најголема корист.
„Тоа од економскиот аспект е одлично бидејќи ќе имаме пристап до финансии. И она што е добро е принцип случај до случај. Ние си имаме реформска агенда во државата која си ја спроведуваме си имаме план за раст за Балкан во кој и ние сме вклучени како држава и во тој контекст едноставно е, мерливо е. Ако ги постигнеме одредените реформски чекори, ние ќе си ги добиеме тие средства“, изјави Драган Пехчевски, претседател на УО на Сојзуот на стопанските комори
Според Пехчевски, Сојузот на стопански комори веќе подолг временски период се подготвува за членството на Македонија во ЕУ, па активностите до сега преземени, ќе вродат со плод на почетокот на следната година.
„Пред се прво нашите компании оние кои се спремни, кои се трансформират и дигитално и продуктивно и ефикасно. Тие ќе бидат први усогласни и че ги земат бенифитите кои ќе ги отвори европскиот пазар за нашите компании и нашиот извоз. Втора работа, ќе има поналку бариери, побрзи транспорти на добра и во тој контекст е и оној делот на ИФТ кој Еу го има донесено како заклучок и сит ечкленки на ЕУ мора да го спроведат до јуни 2027 година“, додаде Пехчевски.
Идејата за ваков тип на поддршка на кандидатите за полноправно членство во ЕУ се разгледуваат поради геополитичкатата неопходност да се забрза процесот на проширување, поттикнат од конфликтот помеѓу Русија и Украина. Европската комисија го напушта досегашниот модел „сè или ништо“ и воведува рамка на „постепена интеграција“. Овој концепт, се очекува да биде разгледан на Европскиот совет кон крајот на 2026 година и усвоен од земјите членки на Унијата до нова година.
