Општина Битола ја интезивира активноста на повеќе локации низ градот каде продолжуваат градежните активности во делот на уличната инфраструктура.
Од тамошната локална самоуправа соопштија дека се реконструира улицата „Маркс и Енгелс“ во централното градско подрачје, потоа се интервенира на дел од улицата „Леринска“ и дел од „Христо Узунов“, а почне и реконструкцијата на спортските игралишта во ОУ „Ѓорѓи Сугарев“.
Во моментов се работи на три спортски игралишта, за кошарка, за одбојка и комбинирано игралиште за ракомет и мал фудбал. Исто така продолжуваат градежните работи на спортската инфраструктура и
во дворот на ОУ „Даме Груев“, нагласија од Општина Битола.
Деновиве започнаа активностите и за изграба на паркингот кај „Овчи пазар“, информираа од Општина Битола.
