Инфлацијата никако да се заузда. Штотуку објавените податоци на Државната статистика покажуваат дека во септември трошоците на живот биле поголеми за 6.6% во однос на истиот месец лани. Храната поскапела за 7.8%, а комунулаиите за 6.1%.
Власта се фали, граѓаните се жалат. Инфлацијата и натаму останува висока, иако на хартија има благо намалување. Трошоците на живот во септември поголеми за 6.6%, споредено со истиот период лани. Храната поскапела за 7.8%, пијалаците за 7.9%, облеката за 5.1%, комунулаиите за 6.1%, мебелот за дури 10%.
Во септември најмногу поскапеле јајцата, сирењето, месото, шеќерот, чоколадите и рибата, со еден збор се – што граѓаните најмногу купуваат, или сега по ново, сакаат да купат. Едниствено има поевтинување кај маслото од речиси 28 проценти.
- Па кај ќе купиш ова, нема шанси. Гледај се поскапува и тоа за 20, 30%. Ова млечниве производи за 100 – 200 денари се поскапени, посебно сирење, кашкавал, кој знае од кога немам купено, се жалат граѓаните по новиот бран поскапувања.
Поскапување во септември 2023:
Лебот: 3.8%
Месо: 12.5%
Риба: 8.5%
Сирење и јајца: 5.3%
Овошје: 12.9%
Зеленчук: 19.9%
Алфа забележа поскапување и кај дел од пецивата во пекарите. Оваа кифла со сирење пред до пред два дена беше 40, а сега е 45 денари. И јогуртот во пекара од 35 скокна на 40 денари.
Во септември, исто така, ДЗС утврдил дека пораст на индексите на трошоците на животот е забележан и кај фотографската и кинематографската опрема и оптичките инструменти за 10.6 отсто, мотоциклите за 8.6 отсто, течните горива за домаќинствата за 6.2 отсто, парамедицинските услуги за 5.4 отсто , гасот за домаќинствата за 4.6 отсто, горивата и мазивата за сопсветните превозни средства за 4.1 отсто, чистењето, поправката и изнајмувањето облека за 3.9 отсто, одржувањето и поправката на сопствените превозни средства за 3.5 отсто, канцеларискиот материјал и материјалите за цртање за 3.4 отсто, медиумите за снимање за 2.8 отсто.
Според кредитната агенција „Фич“, изминатиов период затегнувањето на монетарната политика и падот на дефициотот на тековната сметка придонесоа за враќање на едноцифрената инфлација, ама сепак таа и натаму останува многу висока кај храната. Сепак, закана за подгревање на инфлацијата, според Агенцијата, е растот на платите во јавниот сектор, иако не се земени в предвид поскапото ДДВ кај голем дел производите дополнително ги зголемуваат трошоците за живот.
Инаку храната во регионот, но и во Европа поевтинува, но кај нас тоа е само во најава, но не и во пракса. Инфлацијата, според ЕЦБ, се дека таа во Еврозоната ќе се спушти на 2%, за разлика од кај нас – неизвесноста кај ѓраѓаните само расте, но расте и песимизмот, но и стравувањата дека сиромшатијата уште повеќе може да го дотолчи и оната сиромашниот граѓанин.
Борис Грујоски
