Регулаторната комисија за енергетика денеска околу пладне ќе ги објави новите максимални малопродажни цени на нафтените деривати. Тоа ќе биде трета корекција од почетокот на јули, а бензинот и дизелот се најблиску со цените во последната година.
Минатиот понеделник Регулаторот донесе одлука за половина денар да го поскапи дизелот додека бензинот поевтини за 1,5 денари по литар со што во моментов е само 4 денари поскап од дизелот, најблиска цена на двете горива во последните 12 месеци.
Литар бензин во моментов чини 74 денари додека дизелот е 70 денари за литар.
