Дуалното образование е во подем. Дури 66 проценти од средношколците се запишани во стручно образование, а вклучени се над 800 компании, со над 500 илјади евра за обука на млади. Ова е доказ дека учениците ја препознаваат предноста да влезат на пазарот на труд и да се стекнат со практични знаења за конкурентни работни места.
5.40 – „Оваа измена е согласна со европското разбирање на стручното образование не само како одговор на недостигот на вештини на пазарот на трудот и несовпаѓањето на вештините, туку и како двигател на социјалната инклузија, дигиталната трансформација, територијалната кохезија и долгорочната општествена отпорност“, вели Јаневска.
Како следен чекор, реформата ќе се прошири и во високото образование преку нови законски измени кои ќе овозможат практична настава под менторство на стручни лица од реалниот сектор. Јаневска е сигурна дека во период од 8 години ќе се најдеме меѓу првите 1000 универзитети на Шангајската листа.
„Доколку сакаат да имаат било каква кариера, особено помладите, ќе мора да се потрудат да постигнат критериуми за ментори, ќе треба да пријавуваат проекти, домашни и меѓународни, ќе треба да учествуваат, ќе треба да аплицираат за најголемите можни проекти во ЕУ.“
Заедничка цел на МОН и бизнис-заедницата е директно решавање на младинската невработеност и недостигот на вештини, како и зголемување на конкурентноста на локалните компании.