Во Општина Виница денеска заврши со реализацијата на уште еден значаен проект, како дел од низата инфраструктурни активности што се спроведуваат во овој период. Комплетно е изградена нова улица со тротоари од двете страни во село Јакимово, во должина од 300 метри.
Како што информираат од локалната самоуправа, улицата е изведена согласно урбанистичкиот план за село Јакимово. Пред реализацијата на овој проект, Општината спроведе експропријација на земјиштето, како и санација на дел од канализацискатаи водоводната мрежа, со што беа создадени услови за квалитетна и долгорочна инфраструктурна изведба.
Финансиските средства за овој проектот се обезбедени од Министерството за транспорт, преку заем од Светска банка, врз основа на претходно поднесена и одобрена апликација на Општина Виница.
