Јавната локална библиотека „Илинден“ од Делчево традиционално и оваа година ги награди првенците на генерацијата од двете основни училишта во градот, оддавајќи им признание за нивниот труд, знаење и посветеност.
Гости на библиотеката беа Сара Димитровска, првенец на генерацијата од ООУ „Ванчо Прке“, и Ирина Спасевска, првенец на генерацијата од ООУ „Св. Климент Охридски“, на кои им беа врачени пригодни подароци како поттик за понатамошно образование и љубов кон книгата.
Од библиотеката упатија честитки за нивниот извонреден успех, посакувајќи им многу нови знаења, успеси и исполнети соништа на патот што е пред нив.
– Нека ова признание биде поттик да продолжат храбро да чекорат кон нови достигнувања, а книгата секогаш да им биде верен пријател, порачаа од ЈЛБ „Илинден“.
Со оваа традиционална активност библиотеката ја продолжува практиката на промоција на знаењето, читањето и поддршката на најуспешните ученици во Делчево.
